脫髮問題?中醫幫到你

想遠離脫髮煩惱？

中醫幫到你中醫認為，脫髮可大致分為3個證型：

第一個係肝腎不足型，由於肝腎係供養營養比頭髮既根源，所以肝腎虛弱既時候頭髮就缺少應有既養份，呢種脫髮經常出現係年紀較大，遺傳性脫髮或者大病過後既病人；

第二個係濕熱蘊結型，濕熱係身體入面既「毒」，毒素會阻礙體內氣血運行，變相阻塞供養頭髮既通道，令脫髮出現，呢種脫髮容易係年輕病人，或者飲食唔節制既病人身上出現；

第三個係肝鬱血瘀型，病人壓力沉重，令肝臟鬱結，氣血不通而形成血瘀，血瘀阻塞頭部氣血供養，令頭髮脫落，通常係過度思慮或者生活壓力大既病人身上出現。

治療上，除左針對唔同證型選擇對應既方藥之外，仲可以配合傳統針灸，梅花針或者外用藥，內外夾擊加強效果。記住，由於唔同脫髮會有唔同既證型，甚至證型會混合出現，所以千其唔好一見脫髮就話係腎虛，亦都唔好自己亂搵坊間既偏方亂食呀！